ksums4fn

نورتوووووو :>
 
الرئيسيةالبوابةاليوميةس .و .جبحـثالتسجيلالأعضاءالمجموعاتدخول

شاطر | 
 

 نسيتي زمان أول؟؟؟؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
NOoORY

avatar

انثى عدد الرسائل : 233
العمر : 29
تاريخ التسجيل : 24/09/2007

مُساهمةموضوع: نسيتي زمان أول؟؟؟؟   السبت أكتوبر 06, 2007 6:29 am

هذي قصيدة سمعتها بمقطع صوتي جاني عالايميل ..

قايلها شاعر اسمه عبدالله المهيدب ..

" قصة شخص يعاتب حرمته .. ويتذكر يوم كانت شباب ..
وشلون كانت وشلون صارت..
كيف كانوا الحريم نشيطات ..

وكيف صاروا الحين << مايعطون وجه لرجالهم هعهع
جا يوم من الايام تعبان وقال لها : ياأم فلان .. الله يعطيتس العافية ودي تكفى تغسلين رجلي بموية وملح دافية.. تعبان شوي ..
قالت : تكفى لاتحوم تسبدي بس ..
استغرب وقال: وييييييين ذيك المرة اللي كانت وغيرها الزمن؟؟؟

نسيتي المزح في الصفة .. نسيتي اللعب والطبة
نسيتي كشخة عقالي .. مع الثوبين أبو خبة:falla:
نسيتي غترة الململ .. تغطيني تقل جبة
نسيتي الركض بالطاية .. اذا في دارنا الشبة
نسيتي فضلة القرصان .. سباق يمهن لبة
نسيتي إزعاجنا لأمتس .. وهي بالحوش منكبة
نسيتي --- أم محسن .. تصفينه وأنا أكبه
لبستي ثوبتس التنتر ..أغيظتس لا انقطع حبة :a7sn:
نسيتي الفكس والوازلين .. نهج عنه ولا نحبه :run:
تبيه أمتس لرجلينه .. وحنا نهوش ونسبه
نسيتي بسطة عمية .. صلاة العصر بالقبة
نسيتي صويلح الماصل .. نسيتي خرطه وسبه ض1
نسيتي سوير الخبلة .. تشيل تراب وتكبه :laugh:
نسيتي شنطة الجدة .. حلاو وشي نلعب بهcheers
نسيتي نخل جدتنا .. نسيتي الطين نزلق به
نسيتي الساقي الأخضر .. وماه البارد وشربه

نسيتي قولتس "معصقل" .. وأنا أعيرتس "يالدبة" :cheez1:

نسيتي --- العسفة .. هي الموتر ونلعب به

تطورنا بدنـّينة .. في وسط السوق نطرد به

نسيتي موعد الحنا .. إذا جت جتكم الخبة

نسيتي تمرة الجلصة .. نجيب الدبس ونكبه

نسيتي دريول الحارة .. نجيله ونوقف بدربه

نسيتي طيحتس بالليل .. وهي ظلمة وأنا السبة

نسيتي أكلة المرقوق .. تحبينه وأنا أحبه

تجي أمتس تهاوشنا .. تحط بعيوننا الشبة

نسيتي كحة المـذ ّن .. تنحنح وده ينبه

نسيتي اتريكنا المحلي .. نغسله قبل ننشب به

دعينا الله لأجل العنز .. تجيب تويس نلعب به

نلاحقها بوسط الحوش .. من الركضة نغبر به

نسيتي شقوق باطرما .. نشوف الجار في دربه :hah:

نسيتي صبة المرزاب .. يصب الما ونسمع به

نسيتي الفقر أوصف لتس .. زمانن ربي يعلم به

نسيتي كيف تنسينه؟؟ .. دخلتي العز من جنبه

لقيتي الدش والتلفاز .. مع المكياج مااحبه:maby:

طلبتي مبيض وبودر .. بدل ديرم بدل كحلة

لتس الدنيا بتخربها .. لنا قلبن عبد ربه

أبي الفردوس في بالي .. مع المختار مع صحبه



مولاحظة ..
اللي فيه ---- ماقدرت اسمع الكلمة زين لأني ماعرفتها :cheez1:
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
NOoORY

avatar

انثى عدد الرسائل : 233
العمر : 29
تاريخ التسجيل : 24/09/2007

مُساهمةموضوع: رد: نسيتي زمان أول؟؟؟؟   السبت أكتوبر 06, 2007 6:39 am

أقول ..

وانا أكتب هالقصيدة ..

جتني ريحة جدتي نوره الله يرحمها ..

والله زمانها كان زمن له طعممممممممممممممم

عالاقل نقدر نشتكي على أبوي لأحد يسمع كلامه :cheez1:


ودي يرجع زمان أول شوي .. بس شووووي ..

لو بس في الويك إند اذا بغينا نروح له يومين ونرجع :wings:


نروح بيت جدتي واشوفها :crying: نجتمع كلنا في بيتها الصغنطوطي في الديرة :crying: وتعطينا حلويات زي دايم منتهية مدتها :crying: وأمي تاخذنا شوي من وراها وتهاوشنا تقول كبوها :crying: وكل أخواني يسمعون كلامها وانا اخبي حلاوتي وآكلها بعدين ولايجيني شي بسم الله علي :crying:


نصيحتن اللي عندهم جدات وجداديد " كبار "

ماشالله عليهم .. لاتفرطون فيهم .. تراهم فلة والله :thumbup:

مدري وش جاني على هالذكريات ..

ايييه ياماما نوره الله يرحمك ويغفرلك ويسكنك فسيح جناته ..


وشخباركم ؟؟

عندكم سواليف قديمة :cheez1:
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الدوتشي



ذكر عدد الرسائل : 121
تاريخ التسجيل : 03/10/2007

مُساهمةموضوع: رد: نسيتي زمان أول؟؟؟؟   السبت أكتوبر 06, 2007 12:05 pm

سمعت القصيدة بإنشاد عبدالله المهيدب..

كان روووووووووووعة :crying:

اختيار موفق.... cheers
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عاشقة تيمون
Admin
Admin
avatar

عدد الرسائل : 615
العمر : 31
تاريخ التسجيل : 23/09/2007

مُساهمةموضوع: رد: نسيتي زمان أول؟؟؟؟   السبت أكتوبر 06, 2007 12:30 pm

النوري :crying:

جيتي عالجرح <= ماقد صار عندها جده بحياتها :cry:

عشان كذا فالتها مع جدة روزييت ض1

وكل ماردت علي يا حوبي لها طاحت لي حششش بروزييت

وانا اكلم ومستانسه واقول صح لسااااانت :loool:
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ksums4fn.montadarabi.com
Khalid.Q

avatar

ذكر عدد الرسائل : 315
العمر : 29
تاريخ التسجيل : 03/10/2007

مُساهمةموضوع: رد: نسيتي زمان أول؟؟؟؟   السبت أكتوبر 06, 2007 2:59 pm

خخخخخخخخخ

طيب ليا جا زوجش انتي وياها وقال افركي لي رجولي بمويه وملح ... وش بتسوون ؟

>> انواع التكميخ والتكفيخ والتبطيح بياجيه

مممممممم زمان اول حلو .. بكن بوقته .. اما اللحين لاااااااااا

سلامز
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
NOoORY

avatar

انثى عدد الرسائل : 233
العمر : 29
تاريخ التسجيل : 24/09/2007

مُساهمةموضوع: رد: نسيتي زمان أول؟؟؟؟   السبت أكتوبر 06, 2007 10:31 pm

دوتشي عسى ماغرقت بدموعك بس :cheez1:


الله يسلمك عالمرور << مرور ولا شورطة ؟؟ هعهع يامصلي


ياقلبي يا تقليعات ..

خلاص ولايهمت .. أصير لت جدة ..

بس ترى اللي مايسمع كلامي يشوف خيزرانة خضرا أصلية يحبها قلبت طولها متريييييين ..

ها موافقة تصيرين حفيدتي ؟؟

يالله نقرا الفاتحة :cheez1:


بلو آي ..


ياخي ليه أحس هدفك في الحياة الحرششششششششششششش


ترى ساطورة بنت ساطور تسلم عليك .. تقول سلميلي على عمو بلبل :cheez1:


صح زمان اول حلو بوقته ..

انا مابيه الحين كل يوم كل يوم يعني..

بس اقول شوي لو يومين كذا :crying:

لو بيصير زمان اول كل يوم كان هجيت :cheez1:
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
نسيتي زمان أول؟؟؟؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ksums4fn :: المنتديات العامه ::  منتدى الفله وسعة الصدر :>-
انتقل الى: